जनकपुरधाम, ३२ जेठ । मधेश प्रदेशमा चालु आर्थिक वर्ष २०७९÷८० मा आर्थिक वृद्धि दर १.९० प्रतिशत रहने अनुमान गरिएको छ ।
चालु आर्थिक वर्षमा यस प्रदेशका प्रति व्यक्तिको आम्दानी ८७५ अमेरीकी डलर रहने अनुमान गरिएको अर्थमन्त्री संजयकुमार यादवले बताउनुभएको छ ।
बिहिबार बसेको प्रदेशसभा बैठकमा पहिलो आर्थिक सर्वेक्षण प्रस्तुत गर्दै प्रदेशको समग्र स्थितिको बारेमा अर्थमन्त्री यादवले जानकारी दिएका छन ।
आर्थिक सर्वेक्षण अनुसार मधेश प्रदेशको लागि चालु आवमा विनियोजित रकममध्ये आजसम्ममा चालु तर्फ २८.६८ प्रतिशत र पुँजिगत तर्फ ३२.२९ गरी कुल ३०.६८ प्रतिशत बजेट खर्च भएको अर्थमन्त्री यादवले बताए ।
