जनकपुरधाम, ११ चैत । शनिवार बिहान धनुषाको मिथिला नगरपालिका ३ हरिहरपुरमा दुईवटा ट्रक एकापसमा ठोकिँदा तीनजनाको मृत्युु भएको छ ।
पूर्वबाट पश्चिमतर्फ जाँदै गरेको ना ६ ख ६५७८ नम्बरको ट्रक र विपरित दिशाबाट आउँदै गरेको प्रदेश १–०१–००१ख ९२९२ नम्बरको ट्रक एकआपसमा ठोकिँदा तीन जनाको मृत्यु भएको धनुषाका प्रहरी प्रवक्ता प्रहरी नायव उपरीक्षक वेदप्रसाद गौतमले जानकारी दिनुभएको छ ।
दुर्घटनामा परेर सुनसरीका २८ वर्षिय चालक सागर चौधरी, सह चालक अर्जुन चौधरी र मोरङका ४४ वर्षिय लोकमान श्रेष्ठको मृत्यु भएको छ ।
