जनकपुरधाम, ३ माघ । मधेशमा जुनसुकै बेला विद्रोह वा विस्फोट हुने अवस्थामा मधेश पुगेको जनता समाजवादी पार्टी (जसपा)का अध्यक्ष उपेन्द्र यादवले बताएका छन् ।
जनकपुरधाममा मधेश सरकारले आयोजना गरेको ‘मधेश स्वाभिमान दिवस’ कार्यक्रममा बोल्दै अध्यक्ष यादवले ‘मधेश सबभन्दा पछाडि परेको छ ।
विभेद र असमानता यहीँ छ । गरिबी पनि यहीँ छ । यस्तो अवस्थामा कुनै व्यवस्था सफल हुन सक्दैन । कुनै बेला पनि विस्फोट र विद्रोह हुने अवस्था छ । 
यादबले भने मधेशले हजारौं वर्षदेखि देश र विदेशलाई पालेको भन्दै अब संघीय सरकारले मधेशको विकासमा ध्यान दिनुपर्ने बताए ।
उनले प्रदेश सरकारले सुशासनमा ध्यान दिनुपर्ने पनि बताए । उनले प्रदेशलाई आर्थिक रुपमा सम्पन्न, कृषिमा आधुनिकीकरण र बन्द उद्योग धन्दाहरु पुनः सञ्चालनमा ध्यान दिन पनि प्रदेश सरकारलाई सुझाए ।
