जनकपुरधाम, १६ पुस । आजदेखि अंग्रेजी नयाँ वर्ष सन् २०२४ शुरु भएको छ ।
इस्वी संवतको नव वर्ष २०२४ को अवसरमा नेपालीसहित विश्वभरका मानिसहरुले आपसमा शुभकामना आदान प्रदान गर्दै मनाइरहेका छन् ।
ग्रेगोरियन पात्रोअनुसार सन् २०२३ को विदाइ र नयाँ वर्ष सन् २०२४ को स्वागतमा विश्वभर विभिन्न कार्यक्रमहरु आयोजना भइरहेका छन् । यशु ख्रीस्टको जन्म भएको वर्षदेखि पादरी ग्रेगोरियनले शुरु गरेकाले यसलाई ग्रेगोरियन पात्रो भन्ने गरिन्छ ।
आज मधेश प्रदेशको चर्चित पर्यटकीय स्थल धनुषाको मिथिला नगरपालिकाको पोखरिया, सिरहाको बाबा ताल र उत्तराहिनी कमला नदी, सर्लाहीको भरतताल, नुनथर लगायतमा बनभोज जाने तथा रमाइलो गर्ने गर्दछन् ।
