जनकपुरधाम, ११ फागनु । चुरे तथा वनजंगल संरक्षण अभियानले पाँच सुत्रीय माग राख्दै आन्दोलन सुरु गरेको छ ।
चुरे र वन संरक्षणको माग गर्दै संयौको संख्यामा रहेका अभियानकर्ताहरु जनकपुरधामको मुरलीचोकबाट प्रदर्शन गर्दै मुख्यमन्त्री कार्यालय र जिल्ला प्रशासन कार्यालय घेराउ गरेका थिए । उनीहरुले क्याम्पसचोक नजिक चौबीस घण्टे धर्ना सुरु गरेका छन् ।
खोला उत्खननको विरोध गर्दा हत्या गरिएका युवा दिलीप महतोलाई पर्यावरणीय शहीद घोषणा गर्नुपर्ने, अवैध क्रसर उद्योगहरुको गतिविधि उपर तत्काल रोक लगाउनु पर्ने र विगतमा मधेश सरकारले गरेको ७ बुँदे सहमति तत्काल कार्यान्वयन गर्नु पर्ने, भूमिहिन तथा सुकुम्बासीको आवसको व्यवस्था गर्नुपर्ने, वैदेशिक रोजगार सम्बन्धि समस्या हल गर्नु पर्ने लगायतका अभियानीहरुको माग रहेको छ ।
अभियानका संरक्षक सरोज रायले पटक–पटक आन्दोलन गर्दा पनि माग पूरा नभएकाले बाध्य भएर धर्ना सुरु गरेको बताउनुभएको छ ।
