काठमाडौं, ८ असार । राष्ट्रिय स्वतन्त्र पार्टी -रास्वपा) को महाधिवेशनअन्तर्गत बन्द सत्र आजका लागि स्थगित गरिएको छ ।
महाधिवेशन प्रतिनिधिको संख्या थपघट तथा मधेश प्रदेशमा देखिएको विवादका कारण बन्द सत्र निर्धारित समयमै सुरु हुन सकेन । पार्टी स्रोतका अनुसार विवादित विषयहरू टुंग्याउन आजका कार्यक्रम स्थगित गरिएको हो ।
बिहानैदेखि सहभागी हुन पुगेका प्रतिनिधिहरू दिनभर प्रतीक्षामा बसे पनि अन्तिम समयमा बन्द सत्र स्थगित भएको जानकारी दिइएको छ ।
