जनकपुर, ८ असार । राष्ट्रिय स्वतन्त्र पार्टी -रास्वपा) को चितवनमा जारी प्रथम महाधिवेशनमा सांसद अमरेशकुमार सिंह अनुपस्थित भएका छन् ।
सांसद स्वतः महाधिवेशन प्रतिनिधि हुने व्यवस्था हुँदाहुँदै पनि उनी महाधिवेशनमा सहभागी नभएको र निकटवर्तीहरूका अनुसार उनी स्थलमा देखिएका छैनन् ।
पछिल्लो समय सरकारको नेतृत्व, मन्त्रिपरिषद् विस्तार, बजेट तथा पार्टी नेतृत्वसँग असन्तुष्टि व्यक्त गर्दै आएका सिंहले महाधिवेशनलाई अघोषित रूपमा बहिष्कार गरेको चर्चा छ ।
उनी उपसभापति वा महामन्त्री पदमा सर्वसम्मत चयनको पक्षमा रहेको बताइए पनि पार्टी नेतृत्वले त्यसबारे चासो नदिएको स्रोतहरूको दाबी छ ।
