काठमाडौँ, १२ फागुन । नेपाल कम्युनिष्ट पार्टीका संयोजक पुष्पकमल दाहाल ‘प्रचण्ड’ले दलित समुदायको समग्र उत्थानका लागि शक्तिशाली दलित विकास प्राधिकरण गठन गरिने बताएका छन् ।
पार्टी मुख्यालय पेरिसडाँडामा आयोजित कार्यक्रममा उनले पार्टीको प्रतिबद्धतापत्रमा उक्त प्राधिकरणलाई उच्च प्राथमिकतामा राखिएको उल्लेख गरे ।
दलितलाई राज्यका सबै तहमा विशेषाधिकार आवश्यक रहेको बताउँदै उनले आफ्नो नेतृत्वको सरकारले यसअघि प्राधिकरण गठन र बजेट विनियोजन गरे पनि कार्यान्वयन हुन नसकेको स्पष्ट पारे ।
साथै, नेकपाको गठनसँगै वामपन्थी शक्तिहरू एकताबद्ध हुँदै गएको र छिट्टै सबै वामपन्थी एकठाउँमा आउने दाबी गरे ।
