एजेन्र्सी, २५ मंसिर । म्यानमारको पश्चिमी राखाइन राज्यको म्राक–यूस्थित एक अस्पतालमा सेनाले गरेको हवाई आक्रमणमा कम्तीमा ३१ जनाको मृत्यु भएका छन् ।
सहायता टोलीका अनुसार ६८ जना घाइते छ , जसले मृतक संख्या अझै बढ्न सक्नेछ । अस्पताल बाहिर कम्तीमा २० वटा शव देखिएको बताइए । राखाइन राज्य हाल प्रायः अराकान आर्मी (एए)को नियन्त्रणमा छ, जो म्यानमारको गृहयुद्धमा सैन्य जुन्टाविरुद्ध शक्तिशाली प्रतिद्वन्द्वीको रूपमा उदाएको छ ।
जुन्टाले डिसेम्बर २८ का लागि घोषणा गरेको निर्वाचनलाई एए लगायतका समूहहरूले रोक्ने चेतावनी दिएका छन् । संयुक्त राष्ट्रसहितका पर्यवेक्षकहरूले सैन्यद्वारा सञ्चालित यस निर्वाचन प्रक्रियाको आलोचना गरेका छन् ।
त्यहीबीच, राखाइन क्षेत्रमा सरकारी नाकाबन्दीका कारण मानवीय सङ्कट, भोक मरी र कुपोषण बढ्दै गएको विश्व खाद्य कार्यक्रमले जनाए ।
