जनकपुर, १० कात्तिक । आज छठ पर्वको मुख्य दिन । अस्ताउँदो सूर्यलाई अघ्र्य दिइन्छ ।
जसका लागि मधेश प्रदेशका विभिन्न जिल्लाका पोखरी तथा नदी किनारमा वर्तालुहरूले पूजाका सामग्री राखेर तयारी सुरु गरेका छन् ।
वर्तालुहरूले जनकपुरको धार्मिक तथा ऐतिहासिक पोखरी तथा नदी किनाराका छटघाटहरूमा पूजा सामग्रीहरू सजाएर राखेका छन् । अस्ताउँदो सूर्यलाई अघ्र्य दिनका लागि वर्तालुहरू छठघाटमा भेला हुन थालिसकेका छन् ।
सूर्यदेव र षष्ठीदेवी (छठीदेवी) को आराधना गरिने चार दिने यो पर्वको आज मुख्य दिन मानिन्छ ।
कात्तिक शुक्ल चौथीका दिन गत शनिबार ‘नहायखाय’ विधिबाट पर्व सुरु गरेका वर्तालुले दोस्रो दिन आइतबार ‘खरना’ विधि सम्पन्न गरेका थिए ।
