जनकपुर, २३ असोज । झापाको किशोरीलाई बोलाएर जनकपुरमा बलात्कार तथा बल्याकमेल गरेको आरोपमा धनुषा प्रहरीले एक युवकलाई पक्राउ गरेको छ ।
पक्राउ पर्नेमा जनकपुरधाम उपमहानगरपालिका ७ जिरोमाइलका २१ वर्षीय दीपक राउत रहेका छन् । जिल्ला प्रहरी कार्यालय धनुषाका सूचना अधिकारी प्रहरी निरीक्षक संजिव यादवका अनुसार उनलाई प्रहरीले गत मंगलबार पक्राउ गरेर अनुसन्धान अघि बढाएको छ । युवतीलाई भने सेफ हाउसमा राखिएको छ ।
दिपकले झापाको दमककी एक १७ वर्षीया किशोरीलाई फकाइ जनकपुर बोलाएर एक होटेलमा राखेर आफू तथा अरुसँग बलात्कार गराएको आरोप लागेको प्रहरीले बताए ।
दीपकले मोबाइलमा अन्य युवतीसँग पनि कुराकानी गरेको, युवतीहरुको अश्लिल भिडियो राखेको र लागूऔषधको तस्वीरहरु राखेको पाइएको अनुसन्धानमा संलग्न प्रहरी अधिकारीले बताए ।
