बस दुर्घटना हुँदा २० जना घाइते, ४ जनाको अवस्था गम्भीर

पोखरा, ३१ ब्ैशाख । पोखरा महानगरपालिका—२२ पुम्दिकोटमा बस दुर्घटना हुँदा २० जना घाइते भएका छन् ।

पुम्दिकोटबाट पोखरातर्फ आउँदै गरेको ग १ ख ३८८६ नम्बरको नगर बस बुधबार दिउँसो पुम्दिकोटमा दुर्घटना हुँदा २६ जना सवारमध्ये २० जना घाइते भएको जिल्ला प्रहरी कार्यालय कास्कीले जनाएको छ ।

घाइतेमध्ये ४ जनाको अवस्था गम्भीर रहेको कास्की प्रहरीका सूचना अधिकारी डिएसपी हरिबहादुर बस्नेतले जानकारी दिए ।