काठमाडौं, ९ असार । नेकपा एमालेका उपाध्यक्ष विष्णु पौडेललाई म्याद थप प्रक्रियाका लागि विशेष अदालतमा उपस्थित गराउने तयारी गरिएको छ ।
सोमबार सुर्खेतबाट पक्राउ परेका पौडेललाई काठमाडौं ल्याइएपछि आज सम्पत्ति शुद्धीकरण अनुसन्धान विभागमा उपस्थित गराइएको थियो ।विभागमा करिब दुई घण्टा राखेर सोधपुछ गरेपछि उनलाई अदालत लैजान लागिएको हो । विभागको अनुसार उनको सेयर कारोबार तथा सम्पत्तिको शंकाका आधारमा अनुसन्धान अघि बढाइएको छ ।
सोही अनुसन्धानका क्रममा उनलाई नियन्त्रणमा लिइएको बताए । पक्राउ गर्नुअघि अनुसन्धान टोलीले उनको निवासमा समेत खानतलासी गरेको थियो । हाल अनुसन्धानलाई निरन्तरता दिन कानुनी प्रक्रिया अनुसार म्याद थपका लागि विशेष अदालतमा पेश गर्न लागिएको जनाए ।
