चितवन, ९ असार । राष्ट्रिय स्वतन्त्र पार्टी -रास्वपा) का संसदीय दलका उपनेता गणेश पराजुलीले महाधिवेशनको बन्दसत्र आज दिउँसो १ बजेदेखि सुरु हुने जानकारी दिएका छन् ।
महाधिवेशन प्रतिनिधिको संख्या अनुमानभन्दा बढेर ४२ सयभन्दा बढी पुगेपछि उत्पन्न प्राविधिक समस्याका कारण हिजो बन्दसत्र सुरु हुन नसकेको उनले बताए ।
हाल प्रतिनिधिको प्रवेश कार्ड वितरण भइरहेको र आवश्यक प्रक्रिया पूरा भएपछि बन्दसत्र सञ्चालन गरिने उनले स्पष्ट पारे । साथै, प्रतिनिधि र सञ्चारकर्मीलाई परेको असुविधाप्रति उनले क्षमायाचना गरेका छन् ।
