काठमाडौं, ८ असार । सरकारले अबदेखि माध्यमिक शिक्षा परीक्षा -एसईई) प्रदेश तहबाट सञ्चालन गर्ने तयारी गरेको छ ।
शिक्षा, विज्ञान तथा खेलकुद मन्त्रालयले एसईई सञ्चालनका लागि प्रदेशलाई ३५ करोड रुपैयाँ बजेट विनियोजन गरेको जनाएको छ । उक्त बजेट उत्तरपुस्तिका छपाइ, ढुवानी तथा परीक्षा सञ्चालनमा खर्च गरिनेछ ।
शिक्षामन्त्री सस्मित पोखरेलका अनुसार एसईई प्रदेशबाट सञ्चालन गर्ने सरकारी नीति भए पनि आवश्यक प्रक्रिया र तयारी भने अझै पूरा भएको छैन ।
यसअघि पनि एसईई प्रदेशबाट सञ्चालन गर्ने घोषणा भए तापनि कार्यान्वयन हुन सकेको थिएन । यदि सरकारको योजना कार्यान्वयनमा आए राष्ट्रिय परीक्षा बोर्डले गर्दै आएका प्रश्नपत्र तयारी, परीक्षा व्यवस्थापन र नतिजा प्रकाशनलगायतका जिम्मेवारी प्रदेश तहमा हस्तान्तरण हुनेछन् ।
