काठमाडौं, १३ फागुन । पर्वतारोहण क्षेत्रमा भएको ‘फेक रेस्क्यु’ प्रकरणमा संलग्न रहेको आरोपमा थप दुई जनालाई पक्राउ गरिएको छ ।
केन्द्रीय अनुसन्धान ब्यूरोले ठमेलस्थित रोयल होलिडेज एडभेञ्चर एन्ड ट्राभल कम्पनीका प्रतिनिधि सन्दीप तिवारी र विमान सेवा सञ्चालक संघका पूर्वउपाध्यक्ष राजेन्द्रबहादुर सिंहलाई पक्राउ गरेको हो ।
यसअघि ट्रेकिङ, रेस्क्यु, हेलिकप्टर कम्पनी, अस्पताल तथा विदेशी बिमा कम्पनीसँग सम्बन्धित व्यक्तिसहित ७ जना पक्राउ परिसकेका थिए ।
उच्च हिमाली क्षेत्रमा विदेशी पर्यटकलाई उद्धार गरेको झुटो विवरण देखाई बिमा रकम दाबी गरी अवैध आर्थिक लाभ लिएको अनुसन्धानबाट खुलेको ब्यूरोले जनाएको छ ।
