काठमाडौँ, १२ फागुन । पुष्पकमल दाहाल (प्रचण्ड)ले निर्वाचनपछि बन्ने सरकारमा नेकपाको भूमिका निर्णायक हुने बताएका छन् ।
मंगलबार पेरिसडाँडास्थित केन्द्रीय कार्यालयमा आयोजित कार्यक्रममा उनले आगामी निर्वाचनमा नेकपा अधिकांश क्षेत्रमा विजयी हुने दाबी गरे ।
प्रचण्डले नेकपा गठनपछि वामपन्थी शक्तिहरू एकताबद्ध हुने वातावरण बनेको उल्लेख गर्दै देशको वाम आन्दोलन सशक्त बनाउन सबै कम्युनिस्ट एकजुट हुनुपर्ने आवश्यकता औंल्याए ।
