जनकपुर, १२ फागुन। प्रतिनिधिसभा निर्वाचन नजिकिँदै जाँदा धनुषा निर्वाचन क्षेत्र नम्बर ३ मा राजनीतिक सरगर्मी बढेको छ। यस क्रममा विमलेन्द्र निधि को पक्षमा इन्जिनियरहरूले समर्थन जनाएका छन्।
नेपाली कांग्रेस को चुनावी अभियान अन्तर्गत जनकपुरमा आयोजित संवाद कार्यक्रममा इन्जिनियरहरूले विकास, पूर्वाधार र दीर्घकालीन योजनाका विषयमा छलफल गर्दै निधिलाई मतदान गर्न आग्रह गरेका हुन्।
कार्यक्रममा सहभागी इन्जिनियरहरूले धनुषा–३ को समग्र विकासका लागि अनुभवी र प्राविधिक बुझाइ भएको नेतृत्व आवश्यक रहेको धारणा राखे।
