जनकपुर, ११ फागुन । जनता समाजवादी पार्टी नेपालका अध्यक्ष उपेन्द्र यादवले देशको वर्तमान राजनीतिक गतिरोध अन्त्यका लागि संविधान संशोधन आवश्यक रहेको बताएका छन् ।
भैरहवामा आयोजित पत्रकार सम्मेलनमा उनले वर्तमान संविधानले मधेसी, जनजाति, दलित तथा उत्पीडित समुदायका मुद्दा पूर्ण रूपमा सम्बोधन गर्न नसकेको बताए ।
अध्यक्ष यादवले संघीयताको प्रभावकारी कार्यान्वयनका लागि पहिचानका आधारमा प्रदेश सीमाङ्कन, प्रत्यक्ष निर्वाचित कार्यकारी राष्ट्रपति र पूर्ण समानुपातिक निर्वाचन प्रणाली आवश्यक रहेको धारणा राखे।
साथै उनले गौतम बुद्ध अन्तर्राष्ट्रिय विमानस्थललाई पूर्ण क्षमतामा सञ्चालन गर्न सरकारको गम्भीर ध्यानाकर्षण गराए ।
