जनकपुर, ११ फागुन । जिल्ला प्रशासन कार्यालय रौतहट जिल्लाले आज बिहान १०ः०० बजेदेखि लागू हुने गरी कफ्र्यू आदेश हटाएको छ ।
जिल्ला सुरक्षा समितिको निर्णयअनुसार यसअघि स्थानीय प्रशासन ऐन, २०२८ को दफा ६(९)(क) बमोजिम गौर नगरपालिकाको तोकिएको क्षेत्रमा जारी कफ्र्यू हटाइएको हो ।
गत ७ गते दुई समुदायबीच झडप भएपछि तनावग्रस्त बनेको रौतहटमा पछिल्लो सुरक्षा मूल्यांकनपछि अवस्था क्रमशः सामान्य बन्दै गएको निष्कर्षसहित कफ्र्यू हटाइएको प्रमुख जिल्ला अधिकारी दिनेशसागर भुसालद्वारा जारी सूचनामा उल्लेख छ ।
