काठमाडौँ, २५ माघ । आईसीसी टी–२० विश्वकप २०२६ अन्तर्गत भारतको मुम्बईस्थित वाङ्खडे स्टेडियममा नेपालले इंग्ल्यान्डविरुद्ध पहिलो खेल खेलिरहेको छ ।
टस हारेर नेपालले बलिङबाट खेल सुरु गरेको छ । पहिलो खेल हेर्न मुम्बईमा ठूलो संख्यामा नेपाली समर्थकको उपस्थिति देखिएको छ । उता नेपालमै पनि काठमाडौंका विभिन्न स्थानमा महाजगर आयोजना गरी निःशुल्क रूपमा खेल हेर्ने व्यवस्था मिलाइएको छ ।
टुँडिखेल, तीनकुने, मखन चोक, सिफल चौरलगायत स्थानमा समर्थकहरूको उल्लेख्य भीड देखिएको छ । शनिबारबाट सुरु भएको प्रतियोगितामा एशोसिएट टोलीहरूले टेस्ट राष्ट्रहरूलाई कडा चुनौती दिँदै रोमाञ्चक सुरुवात गरेका छन् ।
