काठमाडौं, २४ माघ । वरिष्ठ कलाकार सुनिल थापाको ६८ वर्षको उमेरमा निधन भएको छ ।
‘राते काँइला’ नामले परिचित थापाको शनिबार बिहान थापाथलीस्थित नर्भिक अस्पतालमा उपचारका क्रममा निधन भएको हो । अचानक स्वास्थ्य समस्या देखिएपछि उनलाई अस्पताल भर्ना गरिएको थियो ।
नेपाली चलचित्रमा प्रायः खलनायकको भूमिकामा देखिएका थापा लामो समयदेखि नेपाली तथा भारतीय चलचित्र क्षेत्रमा सक्रिय थिए ।
उनको निधनप्रति कलाकार तथा चलचित्रकर्मीहरूले गहिरो दुःख व्यक्त गरेका छन् ।
