काठमाडौँ, २२ माघ । टी–२० विश्वकप अघिको अन्तिम अभ्यास खेलमा क्यानडाले टस जितेर नेपालविरुद्ध पहिले ब्याटिङ गर्ने निर्णय गरेको छ ।
आईसीसीको आधिकारिक अभ्यास खेलमा नेपालको कप्तानी दीपेन्द्र सिंह ऐरीले गरेका छन् भने क्यानडाको कप्तानी हर्ष थाकरले सम्हालेका छन् ।
नियमित कप्तानहरू क्याप्टेन मिटमा सहभागी भएकाले दुवै टोलीमा उपकप्तानले नेतृत्व गरेका हुन् । यसअघि पहिलो अभ्यास खेलमा नेपालले यूएईलाई सजिलै पराजित गर्दै उच्च आत्मविश्वास बनाएको छ ।
क्यानडा भने इटालीसँग पहिलो अभ्यास खेलमा १० रनले पराजित भएपछि नेपालविरुद्ध जित निकाल्दै विश्वकपअघि सुधार गर्ने लक्ष्यमा छ ।
