सुनसरी, ३० पुस । धरान उपमहानगरपालिका–११ मा आफ्नै मामाको छोरालाई खुकुरी प्रहार गरी हत्या गरेको आरोपमा एक युवक पक्राउ परेका छन् ।
पक्राउ पर्नेमा ३३ वर्षीय रविन राई रहेका छन् भने मृतक ३५ वर्षीय रुपक राई हुन् । मंगलबार बिहान भएको घटनापछि रविनलाई करिब १२ घण्टापछि बीपी कोइराला स्वास्थ्य विज्ञान प्रतिष्ठान परिसरबाट प्रहरीले नियन्त्रणमा लिएको हो ।
प्रहरीका अनुसार मृतक र आरोपी एउटै घरमा बस्दै आएका थिए र उनीहरूबीच यसअघि पनि पटक–पटक झगडा हुँदै आएको थियो। हत्या किन भएको हो भन्ने कारण भने हालसम्म खुल्न सकेको छैन ।
मृतकको शव पोस्टमार्टमका लागि बीपी प्रतिष्ठानको मर्चरी हाउसमा राखिएको छ । घटनाबारे थप अनुसन्धान भइरहेको प्रहरीले जनाएको छ ।
