काठमाडौं, २७ मंसिर । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ र सहसंयोजक माधव नेपाल नेकपा एमालेको ११औँ महाधिवेशनको उद्घाटन समारोहमा सहभागी नहुने भएका छन्।
भक्तपुरको सल्लाघारीमा सुरु हुँदै गरेको उद्घाटन सत्रमा दुवै नेता उपस्थित नहुने पुष्टि भएको हो।
प्रचण्ड र माधव नेपाल हाल पार्टी एकता सन्देश सभालाई सम्बोधन गर्न सुर्खेतमा रहेका छन्।
उद्घाटन समारोहमा नेपाली कम्युनिस्ट पार्टीको तर्फबाट नेता देव गुरुङले सम्बोधन गर्ने प्रचण्डका प्रमुख स्वकीय सचिव गोविन्द आचार्यले जानकारी दिए।
एमालेले नेकपा, कांग्रेस, रास्वपासहित १६ राजनीतिक दललाई उद्घाटन समारोहमा आमन्त्रण गरेको थियो।
