काठमाडौं, २३ मंसिर । नागरिक उड्डयन प्राधिकरण (क्यान) का निलम्बित महानिर्देशक प्रदीप अधिकारीलाई डिल्लीबजार कारागारको ‘क’ ब्लकमा राखिएका छ।
विशेष अदालतको आदेशपछि २१ मंसिरमा उनीलाई कारागार पठाइएपछि ‘क’ ब्लकमै राखिएको कारागारका अधिकारीले बताएको छ। सो ब्लकमा करिब ४ सयजति कैदीबन्दी बस्ने व्यवस्था छ।
डिल्लीबजारमा पठाइने अधिकांश भीआईपी बन्दीहरू सामान्यतया ‘ख’ ब्लकमा रहने गरेका छन्। तर हाल ‘ख’ ब्लक भरिएको भएकाले अधिकारीलाई वैकल्पिक रूपमा ‘क’ ब्लकमा स्थानान्तरण गरिएको बताइएको छ।
भक्तपुरको नलिन्चोकमा निर्माण गरिएको हेलिपोर्टसम्बन्धी भ्रष्टाचार प्रकरणमा अख्तियार दुरुपयोग अनुसन्धान आयोगले दायर गरेको मुद्दामा अधिकारी पुर्पक्षका लागि थुनामा परेका हुन्। यससँगै पोखरा अन्तर्राष्ट्रिय विमानस्थलमा भएको अनियमिततासम्बन्धी अर्को मुद्दा पनि उनीविरुद्ध दायर गरिएको छ।
