जनकपुर, २० मंसिर। जनकपुरको तपसी चौकस्थित ‘फ्रीडम फिटनेस’ले आफ्नो दोस्रो जिम सेन्टरको भव्य उद्घाटन गरेको छ।
स्वास्थ्य तथा फिटनेसप्रति युवाहरूको बढ्दो रुचिलाई ध्यानमा राख्दै सञ्चालक अमित सिंहले आधुनिक प्रविधि र अत्याधुनिक मेसिनसहित नयाँ शाखा विस्तार गरिएको जानकारी दिए।
उद्घाटन कार्यक्रममा स्थानीय युवाका साथै विभिन्न क्षेत्रका प्रतिनिधिहरूको उपस्थिति रहेको थियो। फिटनेस क्षेत्रको विकास, स्वस्थ जीवनशैलीको आवश्यकताबारे कार्यक्रमका वक्ताहरूले जोड दिएका थिए।
सञ्चालक सिंहका अनुसार, “जनकपुरमा गुणस्तरीय फिटनेस सेवा उपलब्ध गराउने उद्देश्यले दोस्रो शाखा सञ्चालनमा ल्याइएको हो। भविष्यमा अझै आधुनिक सेवासहित विस्तार गर्ने योजना रहेको छ।
फ्रीडम फिटनेसले अब जनकपुरका फिटनेसप्रेमीहरूका लागि थप सहज, व्यवस्थित र पहुँचयोग्य सेवा उपलब्ध गराउने जनाएको छ।
