जनकपुर, १९ मंसिर। मधेश प्रदेशमा नयाँ सरकार गठनको प्रक्रिया आज निर्णायक मोडमा प्रवेश गरेको छ।
प्रदेश प्रमुखले संविधानको धारा १६८(२) अनुसार शुक्रबार साँझ ५ बजेसम्म दाबी पेश गर्न समय सीमा तोकिएका कारण राजनीतिक दलहरू आज दिनभर आन्तरिक कूटनीतिमा केन्द्रित छन्।
एमाले बाहेकका सात दलीय गठबन्धन नेपाली कांग्रेस, जसपा नेपाल, जनमत पार्टी, माओवादी केन्द्र, लोसपा, एकीकृत समाजवादी र नागरिक उन्मुक्ति पार्टीबीच एकता कायम राख्दै नयाँ मुख्यमन्त्री चयनका लागि बिहीबार आठ घण्टासम्म छलफल भएको थियो।
जसपा संसदीय दलका नेता सरोजकुमार यादवले नयाँ मुख्यमन्त्री टुंगो भइसकेको दाबी गर्दै आज दिउँसो २ बजे नै संयुक्त रूपमा सरकार गठनका लागि दाबी पेश गर्ने बताएका थिए।
यसअघि एमाले नेता सरोजकुमार यादव नेतृत्वको सरकारले सर्वोच्च अदालतको आदेशअनुसार विश्वासको मत लिन नसकेपछि १७ मंसिरमा राजीनामा दिएको थियो।
सोही दिन प्रदेश प्रमुख सुरेन्द्र लाभ कर्णले नयाँ सरकारका लागि दाबी माग गर्दै आह्वान गरेका थिए।
