काठमाडौं, १८ मंसिर । आगामी २१ फागुनका लागि निर्धारित प्रतिनिधिसभा सदस्य निर्वाचनको तयारीबारे चर्चा–विमर्श गर्न सरकारले सर्वपक्षीय बैठक बोलाएका छन् ।
प्रधानमन्त्री सुशीला कार्कीको पहलमा आयोजित यस बैठकमा सरकारका प्रतिनिधि, प्रमुख पाँच राजनीतिक दलका शीर्ष नेता, निर्वाचन आयोगका आयुक्तहरू तथा सुरक्षा निकायका प्रमुखहरूले सहभागिता जनाउनेछन् ।
बैठक आज दिउँसो ४ बजे प्रधानमन्त्रीको सरकारी निवास वालुवाटारमा बस्ने कार्यक्रम छ । यद्यपि प्रतिनिधिसभा निर्वाचन २१ फागुनमा नहुने स्पष्ट भइसकेको छ । राष्ट्रिय सभाको निर्वाचन भने आगामी ११ माघमा हुने तय भएको छ ।
आगामी निर्वाचनका लागि आवश्यक सुरक्षा व्यवस्था सुनिश्चित गर्नुपर्ने विषय राजनीतिक दलहरूको मुख्य चासोको रूपमा रहेको छ । यससँगै प्रधानमन्त्री कार्कीले यसअघि पनि दलगत रूपमा नेताहरूसँग परामर्श गरिसकेकी छन् ।
शुक्रबारको बैठकमा सरकार, दल, निर्वाचन आयोग र सुरक्षा निकायका प्रतिनिधिहरू पहिलोपटक एउटै बैठकमा बसेर समग्र तयारीबारे समन्वय गर्नेछन् ।
