काठमाडौं, ३० कात्तिक । निर्वाचन आयोगले आगामी निर्वाचनका लागि आवश्यक वातावरण निर्माणका विषयमा राजनीतिक दल, सरकार तथा जेन–जेडी (न्भल श्) प्रतिनिधिहरूसँग सामूहिक संवाद गर्ने तयारी गरेको छ ।
कार्यवाहक प्रमुख निर्वाचन आयुक्त रामप्रसाद भण्डारीका अनुसार, आयोगले निर्वाचन अनुकूल वातावरण बनाउन चार पक्षीय बैठक आयोजना गर्न लागेको हो । आइतबार आयोगमा आयोजित निर्वाचन पूर्वतयारीसम्बन्धी छलफलमा गृहमन्त्री ओमप्रकाश अर्यालसहितका अधिकारीहरूको सहभागिता थियो ।
छलफलका क्रममा भण्डारीले सबै सरोकारवालामध्यमार्फत सहकार्यको आवश्यकता औंल्याउँदै आयोगले चाँडै नै संयुक्त बैठक आह्वान गर्ने तयारी भइरहेको बताए । उनले सरकारबाट अहिले सम्म प्राप्त सहयोगप्रति धन्यवाद व्यक्त गर्दै आगामी निर्वाचनका लागि आवश्यक साधन व्यवस्था, सुरक्षा प्रबन्ध र वातावरण निर्माणमा सरकारले अझ महत्वपूर्ण भूमिका निर्वाह गर्ने विश्वास प्रकट गरे ।
आयोगले आइतबारै विज्ञप्ति जारी गरी राजनीतिक दल, नेपाल सरकार, युवा पुस्ताका प्रतिनिधि तथा आयोगबीच हुने छलफल तथा अन्तक्र्रियामा सहजीकरण गरिदिन नेपाल सरकारलाई अनुरोध गरेको जनाए । चार पक्षीय छलफलको ठ्याक्कै मिति भने खुलाइएको छैन । भण्डारीका अनुसार आयोगले निर्वाचन मिति घोषणा भएयता योजनाबद्ध रूपमा पूर्वतयारीका कामहरू अगाडि बढाइरहेको छ।
