काठमाडौं, २३ असोज । भारतको मध्य प्रदेशमा दूषित कफ सिरप सेवनका कारण कम्तीमा २० बालबालिकाको मृत्यु भएपछि सम्बन्धित औषधि कम्पनीका मालिक पक्राउ भएको छ ।
भारतीय सञ्चारमाध्यमका अनुसार मध्य प्रदेश प्रहरीले चेन्नईस्थित स्रेसन फार्मा कम्पनीका मालिक एस. रंगनाथनलाई पक्राउ गरेको छ । उक्त कम्पनीले ‘कोल्ड्रिफ’ नामक कफ सिरप उत्पादन गरेको थियो, जसमा विषाक्त रसायनको प्रयोग भएको पुष्टि भएको छ ।
प्रहरीका अनुसार छिन्दवाडा जिल्लामा उक्त सिरप सेवन गर्ने बालबालिकाको मिर्गौला फेल भएर मृत्यु भएको थियो । घटनापछि छिन्दवाडाबाट गएको विशेष अनुसन्धान टोली (क्क्ष्त्) ले कम्पनी मालिक रंगनाथनलाई नियन्त्रणमा लिएको छ ।
बालबालिकाको मृत्युको श्रृंखला सुरु भएपछि ५ अक्टोबरमा १२ सदस्यीय विशेष अनुसन्धान टोली गठन गरिएको थियो । अनुसन्धानका क्रममा कफ सिरपमा ४८.६ प्रतिशत डाइथिलिन ग्लाइकोल भेटिएको पाइएको छ ।
यसैबीच, प्रहरीले डाक्टर प्रवीण सोनी, कम्पनीका सञ्चालकहरू र अन्य सम्बन्धित व्यक्तिहरूविरुद्ध पनि एफआईआर दर्ता गरेको छ।
