जनकपुर, २३ असोज । सरकारबाट बारा र पर्सा जिल्लामा हैजाको बढ्दो जोखिमका कारण खोप अभियान सञ्चालन गर्ने तयारी गरेका छन् ।
परिवार कल्याण महाशाखाको नेतृत्वमा, विश्व स्वास्थ्य संगठन (ध्ज्इ) र युनिसेफको प्राविधिक सहयोगमा यो अभियान असोज महिनादेखि कात्तिक महिनाभित्र सञ्चालन गरिने भएको हो ।
स्वास्थ्य तथा जनसंख्या मन्त्रालयका अनुसार पर्साका सबै १४ वटै स्थानीय तह र बारा जिल्लाका ६ स्थानीय तहका एक वर्षभन्दा माथिका सबै व्यक्तिलाई हैजाविरुद्धको खोप दिइनेछ ।
गत भदौ ६ गते पर्साको वीरगञ्ज महानगरपालिका–१२ मुरली टोलमा पहिलोपटक हैजाका बिरामी भेटिएपछि हालसम्म पर्सा र बारा मिलाएर १ हजार ६८५ जनामा रोग पुष्टि भइसकेको छ ।
यही कारण सरकारले रोग नियन्त्रणका लागि खोप अभियान अघि बढाउने निर्णय गरेको हो । यो मुखबाट खाने खोप हो र यसको एक मात्र मात्रा (मयकभ) दिइनेछ ।
यसअघि पनि काठमाडौं उपत्यका र कपिलवस्तुमा यस्तै हैजाविरुद्धको खोप अभियान सञ्चालन गरिएको थियो ।
