जेठमा हुने जसपाको महाधिवेशनको तैयारी सुरु

जनकपुरधाम, २७ पुस । जनता समाजवादी पार्टी (जसपा)ले महाधिवेशन आगामी जेठमा गर्ने तैयारी सुरु गरेको छ ।

शुक्रबार सकिएको केन्द्रीय कार्यसमितिको बैठकले जेठ २८, २९ र ३० गते जनकपुरधाममा गर्ने निर्णय गरेको छ ।

धनुषामा पार्टीको महाधिवेशन गर्ने निर्णय भएको प्रवक्ता मनिष सुमनले जानकारी दिए ।

जसपाले माघ ३ गते मधेश दिवस र ५ गते वलिदान दिवस मनाउने निर्णय समेत भएको प्रवक्ता सुमनले बताए ।