जनकपुरधाम, ३० मंसिर । धनुषाको जनकपुरधाममा मामा घरमा बस्दै आएका एक बालकको हत्या गरिएको छ ।
जनकपुरधाम उपमहानगरपालिका १२ हनुमाननगरमा मामाको घरमा बस्दै आएका ११ वर्षीय बच्चा आदित्य ठाकुरको हत्या भएको धनुषा प्रहरीले जनाएको छ ।
शुक्रबार साँझ घरबाट निस्केका बालक घर नआएपछि उनका परिवारजनले बेलुका ८ बजेनै प्रहरीलाई खबर गरेको थिए ।
जिल्ला प्रहरी कार्यालय धनुषाका प्रहरी प्रवक्ता प्रहरी नायव उपरीक्षक रञ्जन अवाका अनुसार खोजतलास गर्ने क्रममा हनुमाननगरमै बालक घाइते अवस्थामा फेला परेको थियो ।
घाइते बालकलाई उपचारको लागि प्रादेशिक अस्पतालमा लगेकोमा उपचारको क्रममा मृत्यु भएको डिसपी अवाले बताए । अवाका अनुसार बालक फेला पर्दा उनको अनुहारमा चोटपटक लागेको थियो भने कानबाट रगत बगेको थियो ।
प्रहरीले अनुसन्धानकै क्रममा दुई जनालाई नियन्त्रणमा लिएर सोधपुछ गरिरहेको डिएसपी अवाले बताए ।
