स्वतन्त्र उम्मेदवार साहको १० बुँदे प्रतिबद्धतापत्र सार्वजनिक

जनकपुरधाम, २३ कात्तिक । आसन्न निर्वाचनमा धनुषा निर्वाचन क्षेत्र नं. ३ बाट प्रतिनिधि सभामा स्वतन्त्रबाट उम्मेदवारी दिएका उमेश साहले आफ्नो १० बुँदे प्रतिबद्धतापत्र पत्रकार सम्मेलन गरी सार्वजनिक गरेका छन् । जनकपुरधाममा बुधवार प्रचारप्रसार समितिको कार्यालय उद्घाटनसँगै उहाँले आफ्नो १० बुँदे प्रतिबद्धतापत्र सार्वजनिक गरेका हुन । विकास, शान्ति र सुशासन, आर्थिक वर्ष चैत्र मसान्त हुनुपर्ने, युवा जनशक्तिलाई विदेश पलायनबाट रोक्न स्वदेशमै रोजगारी सिजना गराउन, वर्षौदेखि बन्द गरिएको उद्योग तथा कलकारखाना पुनः सञ्चालनमा ल्याउन, भ्रष्टाचारलाई समाप्त गर्न अख्तियार जस्ता सरोकारवाला निकायलाई मबजुत तथा स्वायतता प्रदान गर्न महत्वपूर्ण भूमिका निर्वाह गर्न लगायतको प्रतिबद्धता रहेको छ । कार्यालय उद्घाटन कार्यक्रममा स्वतन्त्र उम्मेदवार साहले सो क्षेत्रबाट वर्षोदेखि निर्वाचजन जित्दै आएका नेपाली काँग्रेसको चुनाव चिन्ह गाछी छाप वाइलेटमा नरहेको र जनताको चाहना र भावना अनुसार आफूले उम्मेदवारी दिएको बताएका छन् ।