जनकपुरधाम, १८ बैशाख । धनुषाको सबैला नगरपालिका १२ रघुनाथपुरमा टिपरको ठक्करबाट एक बच्चाको मृत्यु भएको छ भने एक जना घाइते भएको छ ।
केहि घण्टा त्याहा अवस्था तनावग्रस्त बनेको थियो ।
आक्रोशित स्थानीयले ठक्कर दिने टिपरमा तोडफोड र आगजनी गर्न खोज्दा प्रहरीले हवाई फायर गरेका थिए । प्रदेश २–०३–००१ क १६२१ नम्वरको टिपरको ठक्करबाट सबैला १२ सिर्खाटोलका ७ वर्षिय बालक रियान्स दनुवारकोे घटनास्थलमै मृत्यु भएको छ ।
ठक्करबाट सोही ठाउँकी राधी कुमारी घाइते भएकी छन् । मृतक बालक र घाइते बालिका स्कूल पढेर घरतर्फ जाने क्रममा टिपरले ठक्कर दिएको छ ।
