शान्ति सुरक्षा माग गर्दै प्रहरीमा निवेदन दर्ता

जनकपुर धाम १४ पुस– जिल्ला प्रशासन कार्यालय धनुषामा शान्ति सुरक्षा माग गर्दैै निवेदन दर्ता गराइएको छ । सामाजिक अभियनता नवीन यादव, मुन्जय अमात, रञ्जित दास र संजना रायले सुरक्षाको माग गर्दै निवदेन दर्ता गराएका छन् । उनीहरुले जनकपुरधाम उप–महानगरपालिका ७ भ्रमरपुरा चोकमा रहेको दैविक इन्टरनेशन हस्पिटलका सञ्चालक राम भरोसी महतो र सोही हस्पिटलमा काम गर्ने विशाल रायलाई विपक्षी बनाएका छन् । सो हस्पिटलमा मंसिर २८ गते उपचार गराउन गएका जनकपुरधाम उप–महानगरपालिका २५ लोहना अमित कुमार पासमानको उपचारमा लापरबाही गरिएको भन्दै अभियनताहरु हस्पिटल सञ्चालकलाई खबरदारी गराउँदा उनीहरुले ज्यान मार्नेसम्मको धम्की दिएको बताइएको छ । जनकपुरधाममा बढिरहेको मेडिकल माफिया र गुणस्तरहीन उपचार गरेको भन्दै सो विरुद्ध अभियान चलाएका उनीहरुलाई अस्पताल सञ्चालकहरुबाट धम्की आएपछि शान्ति सुरक्षा माग गरेका छन् । पछिल्लो समय निजी अस्पतालहरुले बिरामीको उपचारमा गरेको लापरबाही र अस्पताल प्रशासनले देखाएको बेतिथि विरुद्ध उनीहरुले आवाज उठाउँदै आएका छन् ।