काठमाडौं, २६ असोज । प्रधानमन्त्री बालेन्द्र शाहले प्रहरी सेवामा सफल हुन नैतिकता, निष्ठा र इमानदारीलाई प्राथमिकता दिनुपर्ने बताएका छन्।
राष्ट्रिय प्रहरी प्रतिष्ठान महाराजगञ्जमा आयोजित प्रहरी निरीक्षक आधारभूत तालिमको दीक्षान्त समारोहलाई सम्बोधन गर्दै उनले तालिमबाट प्राप्त ज्ञानलाई व्यवहारमा उतार्न र संविधान तथा कानुनको पूर्ण पालना गर्न निर्देशन दिए।
प्रधानमन्त्री शाहले निष्पक्ष रूपमा अपराध अनुसन्धान गर्न, अनुचित प्रभावबाट मुक्त रहन र नागरिकको भावनाअनुसार जिम्मेवारी निर्वाह गर्न प्रहरीलाई आग्रह गरे।
उनले अपराध अनुसन्धानलाई प्रभावकारी, वैज्ञानिक र पारदर्शी बनाउन सूचना प्रविधिको सदुपयोग गर्नुपर्नेमा जोड दिँदै आवश्यक स्रोतसाधन उपलब्ध गराउन सरकार प्रतिबद्ध रहेको बताए।
समारोहमा ७९ जना प्रहरी निरीक्षक दीक्षित भएका थिए। प्रधानमन्त्री शाहले दीक्षित प्रहरी अधिकृतलाई बधाई दिँदै सफल कार्यकालको शुभकामना व्यक्त गरे।
