काठमाडौं, १२ असोज । राष्ट्रिय मानव अधिकार आयोगले पूर्वप्रधानन्यायाधीश चोलेन्द्रशमशेर जबराको पक्राउसम्बन्धी घटनाबारे काठमाडौं उपत्यका अपराध अनुसन्धान कार्यालयका प्रमुख एसएसपी सन्तोष खड्कालाई सोधपुछका लागि बोलाएको छ।
आयोगका प्रवक्ता डा. टीकाराम पोखरेलका अनुसार प्रहरी प्रधान कार्यालयमार्फत खड्कालाई मंगलबार आयोगमा उपस्थित हुन भनिएको हो।
जबरालाई पक्राउ गरेपछि आयोगको टोली अनुगमनका लागि टेकुस्थित कार्यालय पुगे पनि प्रहरीले करिब एक घण्टा गेटमै रोकेर फर्काएको आयोगको भनाइ छ। यही विषयमा स्पष्टता लिन खड्कालाई बोलाइएको हो।
आयोगले यस घटनाप्रति आइतबार नै विज्ञप्तिमार्फत आपत्ति जनाइसकेको थियो।
