काठमाडौं, ६ असोज । त्रिपुरेश्वरमा सोमबार बसमा आगलागी हुँदा घाइते भएका चालकको उपचारका क्रममा मृत्यु भएको छ।
प्रहरीका अनुसार कीर्तिपुरस्थित बर्न अस्पतालमा उपचाररत चालकको सोमबार राति निधन भएको हो। आगलागीबाट उनको शरीरको करिब ९० प्रतिशत भाग जलेको थियो।
त्रिपुरेश्वरचोकको बस स्टपमा रिद्धिसिद्धि यातायातको बा५ख ४२७४ नम्बरको बसमा आगलागी भएको थियो। प्रहरीको प्रारम्भिक अनुसन्धानमा चालक आफैँले आगो लगाएको आशंका गरिएको छ। घटनाअघि चालकको ट्राफिक प्रहरीसँग विवाद भएको बताइएको छ।
घटनाबारे छानबिन गर्न समिति गठन गरिएको छ।
