बारा, ३ असोज । बाराको जीतपुर सिमरा उपमहानगरपालिका–२, सिमरास्थित एक होटलमा चक्कु प्रहारबाट एक जनाको मृत्यु भएको छ।
शनिबार साँझ सम्झना स्टाफ होटलमा भएको घटनामा स्थानीय ३५ वर्षीय शेरबहादुर खड्का गम्भीर घाइते भएका थिए।
घाँटीमा चक्कु लागेका उनलाई उपचारका लागि वीरगञ्ज लगिए पनि चिकित्सकले मृत घोषणा गरेका प्रहरीले जनाएको छ।
प्रारम्भिक अनुसन्धानअनुसार खाजा खान आएका समूहबीच विवाद भएपछि होटलको भान्सामा रहेको चक्कु प्रहार भएको हो। घटनामा संलग्न व्यक्ति फरार रहेको र प्रहरीले खोजी तथा अनुसन्धान गरिरहेको जनाएको छ।
