पर्सा, २२ असार । पर्सा प्रहरीले १०२ किलो ६३६ ग्राम गाँजासहित एक भारतीय नागरिकलाई पक्राउ गरेको छ।
विशेष सूचनाका आधारमा आइतबार राति जगरनाथपुर गाउँपालिका–२ बाट भारततर्फ जाँदै गरेको भारतीय नम्बर प्लेटको कारमा खानतलासी गर्दा १० वटा प्याकेटमा लुकाएर राखिएको गाँजा बरामद भएको हो।
पक्राउ पर्नेमा भारतको बिहार राज्य बेतिया नवलपुरका गुड्डु बर्मा रहेका छन्। प्रहरीले गाँजासहित कार नियन्त्रणमा लिएर घटनाबारे थप अनुसन्धान भइरहेको जनाएको छ।
