चितवन, ८ असार । चितवनको भरतपुर महानगरपालिका–१५ स्थित अतिथि पार्टी प्यालेस नजिक सोमबार बिहान भएको सडक दुर्घटनामा दुई युवाको मृत्यु भएको छ ।
ना ५ख ५८१६ नम्बरको ट्रकमा बा.प्र–०६–००४ प ७२४८ नम्बरको स्कुटर ठोक्किँदा स्कुटर चालक भरतपुर–२६ दिव्यनगरका २२ वर्षीय अशोक भण्डारी र स्कुटरमा सवार लमजुङ घर भई भरतपुर–२० बस्दै आएका १९ वर्षीय राजीव गुरुङ गम्भीर घाइते भएका थिए ।
उनीहरूलाई उपचारका लागि भरतपुर सरकारी अस्पताल लगिएकोमा उपचारकै क्रममा मृत्यु भएको प्रहरीले जनाएको छ । घटनामा संलग्न ट्रक चालकलाई प्रहरीले नियन्त्रणमा लिई दुर्घटनाबारे थप अनुसन्धान गरिरहेको छ ।
