काठमाडौं, २८ जेठ । इङ्ल्याण्डमा शुक्रबारदेखि सुरु हुने टी–२० महिला विश्वकपमा पहिलो पटक १२ राष्ट्रले सहभागिता जनाउने भएको छ ।
प्रतियोगिताको उद्घाटन खेल घरेलु टोली इङ्ल्याण्ड र श्रीलंकाबीच हुनेछ । सन् २००९ मा सुरु भएको प्रतियोगिताका प्रारम्भिक संस्करणहरूमा ८ टोली मात्र सहभागी थिए भने पछिल्ला संस्करणहरूमा १० टोलीले प्रतिस्पर्धा गरेका थिए ।
यसपटक भने सहभागी टोलीको संख्या बढाएर १२ पु¥याइएको छ । प्रतियोगितामा सहभागी टोलीलाई दुई समूहमा विभाजन गरिएको छ । समूह ‘ए’ मा अस्ट्रेलिया, बंगलादेश, भारत, नेदरल्याण्ड्स, पाकिस्तान र दक्षिण अफ्रिका रहेका छन् ।
समूह ‘बी’ मा इङ्ल्याण्ड, आयरल्याण्ड, न्युजिल्याण्ड, स्कटल्याण्ड, श्रीलंका र वेस्ट इन्डिज छन् । प्रत्येक समूहका शीर्ष दुई टोली सेमिफाइनलमा पुग्नेछन् । फाइनल खेल जुलाई ५, २०२६ (असार २१) मा हुनेछ ।
हालसम्म सम्पन्न नौ संस्करणमा चार राष्ट्रले मात्र महिला टी–२० विश्वकपको उपाधि जित्न सफल भएका छन् ।
