काठमाडौं, २० जेष्ठ । मधेस प्रदेशका सांसद तथा पूर्वराज्यमन्त्री सरोजकुमार सिंहलाई भ्रष्टाचार मुद्दामा विशेष अदालतले चार वर्ष एक महिना कैद र ३८ लाख ५० हजार १३९ रुपैयाँ जरिवाना गर्ने फैसला गरेको छ ।
अदालतले उनीबाट एक लाख ५४ हजार ५ रुपैयाँ क्षतिपूर्ति समेत असुल गर्न आदेश दिएको छ । अख्तियार दुरुपयोग अनुसन्धान आयोगले २०८२ असोज ३० गते सिंहसहित १६ जनाविरुद्ध भ्रष्टाचार मुद्दा दायर गरेको थियो ।
संसद् विकास कोषअन्तर्गतको योजनामा उपभोक्ता समितिमार्फत ३८ लाखभन्दा बढी रकम हिनामिना गरेको आरोपमा उनलाई दोषी ठहर गरिएको हो ।
अख्तियारका अनुसार उक्त रकम स्वकीय सचिवमार्फत निकालेर आफ्नै र श्रीमतीको खातामा जम्मा गरिएको थियो ।
