महोत्तरी, १३ जेठ । मधेश प्रदेश सरकारका गृह, सञ्चार तथा कानुन मन्त्री फकिरा महतो ले महोत्तरी जिल्ला अदालतको अनुगमन तथा निरीक्षण गरेका छन्।
निरीक्षणका क्रममा मन्त्री महतोले अदालतको सेवा प्रवाह, मुद्दा फर्छ्योटको अवस्था, कर्मचारीको कार्यसम्पादन तथा भौतिक संरचनाबारे जानकारी लिएका थिए।
उनले अदालतमा सेवाग्राहीले पाउने सुविधा, न्यायिक प्रक्रिया तथा दैनिक कामकारबाहीबारे समेत चासो व्यक्त गरेका थिए।
मन्त्री महतोले नागरिकले छिटो, सहज र निष्पक्ष न्याय पाउनुपर्ने उल्लेख गर्दै न्यायिक सेवालाई थप प्रभावकारी र नागरिकमैत्री बनाउन प्रदेश सरकार प्रतिबद्ध रहेको बताए।
उनले न्याय क्षेत्रमा आवश्यक सुधार, समन्वय र सहकार्यका लागि प्रदेश सरकारले आवश्यक सहयोग गर्ने प्रतिबद्धता समेत व्यक्त गरे।
अनुगमनका अवसरमा अदालतका न्यायाधीश, कर्मचारी तथा सम्बन्धित निकायका प्रतिनिधिसँग अदालतको वर्तमान अवस्था, देखिएका चुनौती र सुधारका आवश्यकताबारे छलफल गरिएको थियो।
