काठमाडौं, ९ जेष्ठ । चीनको साआन्सी प्रान्तस्थित एक कोइला खानीमा शुक्रबार साँझ भएको ग्यास विष्फोटमा कम्तीमा ९० जनाको मृत्यु भएको छ ।
स्थानीय समयअनुसार बेलुकी ७:२९ बजे भएको विष्फोटका बेला खानीभित्र २४७ मजदुर कार्यरत थिए । सरकारी समाचार एजेन्सी शिन्हुआका अनुसार तोङझोउ ग्रुपको खानीमा भएको दुर्घटनापछि उद्धार कार्य जारी छ ।
चीनका राष्ट्रपति शी जिनपिङले घाइतेहरूको उपचार भइरहेको र बेपत्ताहरूको खोजी तीव्र पारिएको बताएका छन् ।
