काठमाडौं, ३१ वैशाख । सरकारको वार्षिक नीति तथा कार्यक्रममाथि उठेका प्रश्नको जवाफ आज अर्थमन्त्री स्वर्णिम वाग्लेले प्रतिनिधिसभामा दिने भएका छन् ।
प्रधानमन्त्रीको तर्फबाट अर्थमन्त्रीले आर्थिक वर्ष २०८३/८४ को नीति तथा कार्यक्रमबारे सांसदहरूले उठाएका प्रश्नको उत्तर दिने कार्यसूची तय भएको हो ।
प्रधानमन्त्री वालेन शाह संसद्मा अनुपस्थित भएपछि विपक्षी दलहरूले लगातार अवरोध गर्दै प्रधानमन्त्री स्वयं उपस्थित हुनुपर्ने माग गरेका थिए ।
सभामुखले प्रधानमन्त्रीलाई उपस्थित गराउन रुलिङ गर्न नसक्ने बताएपछि हिजोको बैठक प्रभावित भएको थियो । आजको बैठकमा अर्थमन्त्रीको जवाफपछि नीति तथा कार्यक्रम निर्णयार्थ प्रस्तुत गरिनेछ ।
त्यसपछि विनियोजन विधेयकका सिद्धान्त र प्राथमिकता पेश हुनेछन् । साथै …प्रतिनिधिसभा नियमावली मस्यौदा समितिको प्रतिवेदन, २०८३Ú माथि पनि छलफल हुने कार्यसूची छ ।
