काठमाडौं, २९ वैशाख । देशभर हाल मौसम बदली भई अधिकांश क्षेत्रमा वर्षा भइरहेको छ ।
मौसम पूर्वानुमान महाशाखाका अनुसार पश्चिमी न्यूनचापीय प्रणाली, स्थानीय वायु तथा न्यून चापीय क्षेत्रको प्रभावका कारण मंगलबार कोसी, बागमती, गण्डकी, मधेसलगायत विभिन्न प्रदेशमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।
हिमाली क्षेत्रमा हिमपात पनि हुन सक्ने जनाइएको छ । काठमाडौँ उपत्यकामा पनि बिहानैदेखि वर्षा भइरहेको छ भने दिनभर मौसम पूर्ण रूपमा खुल्ने सम्भावना कम रहेको मौसमविद्ले बताएका छन् ।
रातिसम्म पनि विभिन्न प्रदेशका पहाडी तथा तराई क्षेत्रमा वर्षा जारी रहने अनुमान गरिएको छ ।
