काठमाडौं, २८ वैशाख । राष्ट्रिय परीक्षा बोर्डले माध्यमिक शिक्षा परीक्षा -एसईई) २०८२ को नतिजा सोमबार साँझ सार्वजनिक गरेको छ ।
परीक्षा नियन्त्रण कार्यालय सानोठिमीमा आयोजित पत्रकार सम्मेलनमार्फत नतिजा सार्वजनिक गरिएको हो । बोर्डका अनुसार यस वर्ष ६५.९८ प्रतिशत विद्यार्थी उत्तीर्ण भएका छन्।
नतिजा केहीबेरपछि वेबसाइटमार्फत हेर्न सकिने जनाइएको छ । गत चैत १९ देखि २९ गतेसम्म सञ्चालन भएको परीक्षामा ५ लाख १२ हजार ४२१ विद्यार्थी सहभागी भएका थिए ।
यसपटक परीक्षा केन्द्रमै उत्तरपुस्तिका परीक्षण गरिएकाले नतिजा छिटो सार्वजनिक गरिएको बोर्डले जनाएको छ ।
